МОНГОЛ УЛСЫН ТӨРИЙН ДАЛБАА 1992 ОНООС ХОЙШ

1992 оны  Монгол Улсын Үндсэн хуулинд “Монгол улсын төрийн далбаа нь улаан, хөх, улаан хосолсон өнгөтэй байна. Далбааны гурав хуваасны нэгийн хэмжээтэй дундах нь мөнх хөх тэнгэрийн хөх, түүний хоёр талд мандан бадрахыг бэлгэдсэн улаан өнгөтэй байна. Далбааны ишин талын улаан дэвсгэрийн төв хэсэгт алтан соёмбо байрлуулна. Далбааны өргөн, урт нь 1:2-ын харьцаатай байна.” Хэмээн зааснаар төрийн далбааны өмнөх хэлбэр, найруулга бараг хэвээр хадгалагдаж, гагцхүү хуучин далбаанд байсан таван хошууг хассан байна.